اسلام آباد ۔ 3 اکتوبر (اے پی پی) قومی احتساب بیورو دے چیئرمین جسٹس جاوید اقبال آکھیے جو تاجراں دے ٹیکس دے حوالے نال مقدمیں ایف بی آر کوں بھجیسوں ، غریباں دے خون پسینے دی کمائی دے ارباں روپے لٹ تے باہر بھجنڑ آلیں کوں نیب کہیں صورت کائناں چھوڑیسی ، سپریم کورٹ منی لانڈرنگ دے کئی مقدمیں نیب کوں بھیجنڑے ہن، ریفرنس مکمل تحقیقات اتے انکوائری دے بعد دائر کیتے ویندن ، پاناما سکینڈل دے حوالے نال بئے کیس وی چلدے پن۔اے گال انہاں خمیس کوں وفاق ایوانہائے صنعت و تجارت اچ تاجر برادری اتے صنعت کاراں نال خطاب کریندے ہوئیں آکھی اے ۔انہاں آکھیے جو اے افواہیں گردش کر یندیاں پیاں ہن جو نیب اقدامات نال تاجر برادری پریشان اے، نیب دے کہیں اقدام نال تاجر برادری کیتے مشکلات پیدا تھن نہ تھیسن ،انہاں آکھیے جنہاں ڈے 1980اچ کجھ کائناں ہئی لیکن اج او دبئی اچ پلازیں دے مالک ہن انہاں ڈے اے رقم کتھوں آئی اے ،انہاں آکھیے نیب کہیں دی عزت نفس کوں مجروح کائنی کریندا ،عزت تے احترام نال انہاں کوں نیب اچ سڈیا ویندے میں جج دی حیثیت نال ہمیشہ لوکاں دے ڈکھاں دا مداوا کیتے تے ہنڑ وی لوکاں دے ڈکھاں دا مداوا کریندا پیاں ۔انہاں آکھیے جو نیب اچ مقدمیں کوں شروع تے ختم کرنڑ توں پہلے انہاں دے قانونی پہلو تے غور کیتا ویندے ۔
نیب دے کہیں اقدام نال تاجر برادری کییتے مشکلات پیدا تھن نہ تھیسن،ریفرنس پوری تحقیقات اتے انکوائری دے بعد دائر کیتے ویندن ،چیئرمین نیب
مضمون کا ماخذ : لوٹیریا وفاقی
متعلقہ مضامین
