لاہور۔4 مارچ(اے پی پی )پاک بھارت کشیدگی پاروں بند تھیونڑ آلی سمجھوتہ ایکسپریس 195دے نیڑے مسافراں کوں گھن تے بھارت کیتے روانہ تھی گی ۔ پاک بھارت کشیدگی دے بعد پہلی ریل گاڈی سنوار دی سویل 8 وجے براستہ واہگہ بارڈر 195مسافراں کوں گھن تے بھارت کیتے روانہ تھئی اے ۔ خمیس کوں ایڈیشنل جنرل منیجر ریلوے زبیر شفیع سمجھوتہ ایکسپریس کوں پاک بھارت کشیدگی پاروں گزریل خمیس کوں معطل کیتا ہئی ۔ شیڈول دے مطابق سمجھوتہ ایکسپریس سنوار تے خمیس دے ڈینھ پاکستان توں بھارت کیتے روانہ تھییندی اے ۔ ریلوے حکام دے مطابق پاکستان تے بھارت وچال چلنڑ آلی ریل گاڈی سمجھوتہ ایکسپریس بحال کرڈتی گئی اے ۔ ریلوے حکام آکھیے جو سمجھوتہ ایکسپریس پاک بھارت کشیدگی دی وجہ توں بند کیتی گئی ہئی ، گزریل ہفتے ریل گاڈی دے ذریعے 45 مسافر بھارت روانہ تھے ہن، ۔ پاکستان اتے بھارت وچال چلنڑ ولی سمجھوتہ ایکسپریس ریل گاڈی دا آغاز 22 جولائی 1976 اچ تھیا ہئی ۔ ریل دے مسافراں دا امیگریشن اتے کسٹم واہگہ، پاکستان اتے اٹاری، بھارت اچ ہوندے ۔ڈوجھے پاسے بھارتی حکام اپنڑی ہٹ دھرمی برقرار رکھی ہوئی اے البتہ پاکستان ولوں جذبہ خیرسگالی دے تحت امن دے پیغام دی دنیا اچ تعریف کیتی ویندی پئی اے جڈاں جو گزریل ڈینھ بھارتی پائلٹ دی رہائی تے اقوام متحدہ دے سیکرٹری جنرل سمیت بیاں عالمی طاقتاں پاکستانی قوم دا خیرمقدم کیتا ۔ پاکستان ولوں سمجھوتہ ایکسپریس کوں انتہا پسند ہندوواں دے ممکنہ حملے پاروں عارضی طور تے معطل کیتا گیا ہئی۔
سمجھوتہ ایکسپریس بحال، 200 مسافراں کوں گھن تے بھارت روانہ
مضمون کا ماخذ : نتیجہ ڈوپلا سینا
متعلقہ مضامین
