اسلام آباد ۔ 7 جنوری (اے پی پی) صدر مملکت ڈاکٹر عارف علوی آکھیے جو پاکستان عمان دے نال برادرانہ تعلقات کوں اہمیت ڈیندے ،ڈوپاسے تعلقات کوں سارے شعبے خصوصاً تجارت اچ ودھارا ڈیونڑ دی ضرورت اے ، اوورسیز پاکستانی عمان دی ترقی اچ اہم کردار ادا کریندے پن ۔اے گال انہاں منگل کوں عمان دے وزیر مذہبی امور شیخ عبداﷲ بن محمد نال ملاقات اچ آکھی اے ۔انہاں آکھیے جو پاکستان دے عمان نال ڈو پاسے تعلقات سانجھی ، تاریخ اتے ورثہ تے مبنی ہن ، ڈوہیں ملکاں وچال تعاون کوں سانجھے مفاد دے سارے شعبیں خاص طور تے تجارت تے سرمایہ کاری اچ ودھارے دی ضرورت اے۔ صدر مملکت آکھیا جو خطے اچ امن ڈوہیں ملکاں دی ترقی کیتے بہوں ضروری اے ،پاکستان خطے اچ امن تے استحکام کیتے ہر ممکن کوششاں کریندا پئے ۔ صدر مملکت آکھیا جو اوورسیز پاکستانی عمان دی ترقی اچ بہوں ساری خدمات ڈیندے پن ، پاکستان میڈیسن، انجینئرنگ، انفارمیشن ٹیکنالوجی، اکاﺅنٹینسی، تعلیم اتے تکنیکی کم دے شعبیں اچ غیر ہنر مند دے نال نال پیشہ وارانہ افرادی قوت ڈے سگدے ۔ایں موقع تے عمان دے وزیر صدر مملکت دا شکریہ ادا کیتا اتے اپنڑے ملک دی قیادت تے عوام ولوں نیک خواہشات دا سنھیا پجایا ۔
صدر مملکت ڈاکٹر عارف علوی نال عمان دے وزیر مذہبی امور شیخ عبداﷲ بن محمد دی ملاقات
مضمون کا ماخذ : جیک اور بین اسٹالک
متعلقہ مضامین
