اسلام آباد۔5مئی (اے پی پی)وزیر اعظم عمران خان آکھیے جو سمندر ??ار پاکستانی ملک دی وݙی طاقت ہین، ملک انہائیں دی وجہ توں چلدا پئے، سمندرپار پاکستانیاں کوں سوکھ ݙیوݨ کیتے سارے وسائل لائے ویسن، بیرون ملک سفارتخانیاں کوں سمندر ??ار پاکستانیاں نال تعاون کیتے ہر ممکن تعاون کریسوں۔ اے ڳالھ انہاں ڄڳ دے مختلف ملکاں اچ تعینات پاکستانی سفیراں نال خطاب کریندے آکھی۔ انہاں آکھیا جو اقتدار ملݨ توں بعد حکومت سمندر ??ار پاکستانیاں کوں ودھ توں ودھ ریلیف ݙیوݨ کیتے وزارت خارجہ کوں خاص ہ??ای??ت ݙتن جیندے تے عمل تھیندا بھل بیرون ملک توں وݙیاں شکایات وی آئن جیکوں نمٹاوݨ ترجیح اے کیوں جو اے اوورسیز پاکستانی ہی ہن جیندے ترسیلات زر پاروں ملک ݙیوالہ تھیوݨ توں بچ ڳئے۔ انہاں آکھیا جو سفارتخانے سمندرپار پاکستانیاں کیتے مسلے کھڑے کرݨ دی بجائے انہاں کوں ودھ توں ودھ ریلیف ڈیون، سفارتخیانیاں کوں اپݨا رویہ درست کرݨا پوسی۔ انہاں آکھیا جو ودھ شکایات سعودی سفارتخانے دیاں آئن، لوکاں دی رائے ڄاݨ تے ڈکھ ??ھئے جو انہاں نال اے تھیندا پئے جو عوام دی کوئی پروا نئیں۔ وزیراعظم آکھیے جو سٹیزن پورٹل کوں بیرون ملک سفارتخانیاں نال جوڑیا ویندا پئے ڄݙاں جو بیرون ملک سفارتخانے اچ ہک انڄھ افسر لایا ویسی جیڑھا سرف اوورسیز پاکستانیاں دیاں شکایات نمٹیسی، پہلے جو تھئے ہݨ ایویں نہ چلݨ ݙتا ویسی، اے پراݨا دور نئیں، نویں پاکستان اچ اے نظام نئیں چل سڳدا۔
ملک بیرون ملک پاکستانیاں پاروں چلدا پئے، سفارتخانے اپݨا رویہ ٹیھک کرن، اوورسیز پاکستانیاں کوں سوکھ ݙیوݨ کیتے ہر ممکن تعاون کریسوں، وزیراعظم دی سٹیزن پورٹل سفارتخانیاں نال لنک کرݨ دی ہدایت
مضمون کا ماخذ : como jogar dupla sena
متعلقہ مضامین
