لاہور۔18 جنوری(اے پی پی )وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو خیبر پختونخواہ اچ ہیموفیلیا دا قانون بنڑ چکیے،ایکوں وفاق اتے پنجاب اچ وی متعارف کرویسوں،حکومت 192 ارب روپے دااحساس پروگرام متعارف کروائے، سندس فاﺅنڈیشن کوں وی احساس پروگرام اچ رلایا ویسی،حکومت ہیموفیلیا دے مرض اچ مبتلا پڑھے لکھے مریضاں کیتے سندس جاب بینک بنڑیسی جیندے تحت انہاں کوں وفاقی و صوبائی سطح تے ملازمتاں ڈتیاں ویسن۔اے گالھ انہاں سندس فاﺅنڈیشن اچ معروف صحافی کالم نگار منو بھائی دے ڈوجھے ورھینڑے تے تقریب نال خطاب اچ آکھی۔انہاں معاشرے اچ فلاح انسانیت کیتے منو بھائی دیاں کوششاں دی تعریف کیتی۔انہاں آکھیا جو سندس فاونڈیشن دابالاں کیتے علاج معالجے،ہیمیو فیلیا دے مریضاں کیتے اقدامات تے سوھنڑا کردار اے،اینجھے امراض تے قابو پاونڑ کیتے آگاہی مہم چلاونڑ سانگے میڈیا سماجی تنظیماں پریس کلب سودھے بئے اہم اداریاں کوں وی نال رلایا ویسی۔ڈا کٹر فردوس عاشق اعوان آکھیا جو ڈکھی انسانیت دی خدمت کیتے حکومت دا ہتھ ونڈاونڑ کتیے مخیر حضرات، سماجی تنظیماں اتے نجی اداریاں کوں وی اگو تے ودھنڑا پوسی۔انہاں آکھیا جو وزیراعظم عمران خان تیکھے اتھو دا دورہ کریسن اتے بالاں کوں ٹائم ڈیسن۔
خیبر پختونخواہ اچ ہیموفیلیا دا قانون بنڑ چکیے،ایکوں وفاق اتے پنجاب اچ وی متعارف کرویسوں، معاون خصوصی برائے اطلاعات و نشریات ڈاکٹر فردوس عاشق اعوان دامنو بھائی دے ورھینڑے تے خطاب
مضمون کا ماخذ : سائٹس de loteria confiáveis
متعلقہ مضامین
