وفاقي حکومت د غير قانوني هلو ځلو له امله په پي ټي آئي د بنديز لګولو، د سپريم کورټ په اوسنۍ پريكړه د نظرثانۍ اپيل دائرولو او د پي ټي آئي په باني، پخواني صدر عارف علوي او قاسم سوري د آرټيکل 6 لګولو پريكړه ۔ د اطلاعات وفاقي وزير عطا اللہ تارړ

اسلام آباد 15جولائي (اے پي پي) د اطلاعات او خپرونو وفاقي وزير عطااللہ تارړ وئيلي دي وفاقي حکومت د غير قانوني هلو ځلو له امله په پي ټي آئي د بنديز لګولو، د سپريم کورټ په اوسنۍ پريكړه د نظرثانۍ اپيل دائرولو او د پي ټي آئي په باني، پخواني صدر عارف علوي او قاسم سوري د آرټيکل 6 لګولو پريكړه كړې ،د آرټيکل 6 لګولو ريفرنس به سپريم کورټ ته لېږلے شي،دغسې د هېواد مخالفو هلو ځلو كښې ككړو د بهر ناستو عناصرو په ضد به کارروائي كولې شي،كه هېواد مخ په وړاندې بوتلل وي نو په شر خوښو به بنديز لګول وي، آئي اېم اېف ته خط ليكل د پي ټي آئي د هېواد دښمنې تګلارې برخه وه،يو سياسي ګوند له هغه حق وركړے شو كوم چې هغوې غوښتے هم نه ؤ، حکومت د چا په ضد انتقامي کارروائي نه كوي۔ده د ګل په ورځ د پي ټي وي هيډ کوارټر كښې پرېس کنفرنس ته وينا كوله۔ وفاقي وزير عطا اللہ تارړ ووئيل د تيرو څو ورځو راهسې هېواد كښې د اړي ګړي حالت راپيدا کولو هڅه كېږي،يو فلمي ټريلر چلولې كېږي۔ده ووئيل زمونږ قائد مونږ له دا تربيه راكړې چې سياسي مخالفينو ته په مخاطب كېدو صاحب وائې، د اصلاح لپاره تنقيد زمونږ د سياسي ليډر تربيت ؤ،زمونږ قيادت په زندانونو كښې اچولے شوے ؤ ٬ هغه وخت چا څه هم نه وئيل،د پي ټي آئي باني بدتر ليډر دے،هغه د انتقام اور وژلو لپاره د خور ، لوڼو په زندانونو كښې د اچولو روايات پيل كړے۔ ده ووئېل وزيراعظم شهباز شريف په ايوان كښې وئيلي چې مونږ ميثاق معيشت له چمتو يو،مونږ وئيلي مونږ ميثاق معيشت کولو ته هم تيار يو ٬ دغه زمونږ تربيت ؤ،مونږ د سياسي مخالف په غم او خوشحالۍ كښې شريك شوې يوو، خو يو سياسي ګوند دا تربيه لري چې د چا په غم او خوشحالۍ كښې مه شريكېږې۔ ده ووئيل زمونږ دانشمندي دې زمونږ کمزوري ونه ګڼلې شي۔دوي مونږ کمزورې ګڼلې يو او د سپكو سپورو كلتور ته ئې وده وركړې، وئيلي شوې چې اسلامي ټچ دو او اسلام د سياسي مقاصدو لپاره استعمال کړئ،دا هغه روش دے كوم چې څو كلونو راهسې راروان دے۔ ده ووئېل د 2014 دھرنو نه تر نن يو مخصوص مائنډ سيټ ته وده وركړې كېږي۔كله چې په فلسطين بريد كيدلو نو د هغوې لارښودو د اسرائيل بزنس مېن سره خوراكونه ولې كول ، بس ډير څه وشول ،د هېواد سره به نور لوبو ته څوك پرې نه ږدو ۔د اطلاعات وزير ووئيل پاکستان كښې سياسي او معاشي استحکام لپاره چمتو يو۔ ده ووئيل د سني اتحاد کونسل منشور دے چې كوم غير مسلمه د هغوې د ګوند غړے نه شي جوړيدے،اوسنۍ پريكړه كښې تحريك انصاف له نه غوښتلے شوے ريليف وركړے شو ۔ده ووئيل حکومت او اتحادي ګوندونو د سپريم کورټ د پريكړې په ضد د نظرثاني اپيل دائر کولو پريكړه كړې ، نظرثاني كښې به دا استدعا کولې شي چې چا له ريليف وركړے شوے آيا هغوې دغه غوښتے ؤ ؟ ده ووئيل يو سياسي ګوند له هغه حق وركړے شو د كوم چې هغوې حق نه لري، مونږ پوهيږو چې د نظرثانۍ اپيل دائرولو حق لرو۔ ده ووئيل تحريك انصاف انټرا پارټي الېكشن نه دے كړے٬ د دوي اېم اېن اېز د عدليه په وړاندې نه دي وئيلي چې مونږ ۖ مونږ د تحريك انصاف غړي يو٬ كومو اېم اېن اېز ته چي ريليف وركړے شو دوي عدليه په وړاندې موجود نه وٶ؟ آيا دوي دا ريليف غوښتے ؤ كوم چې دوي ته وركړے شو۔ د اطلاعات وزير ووئيل تحريك انصاف د ممنوعه ذريعو د لارې فنډنګ ترلاسه كړے، د فارن فنډنګ کېس كښې د شپږو كالو راهسې د سټے د پاڅه سټے اخستلې كېږي٬ دوي په 9 مئي د هېواد په مفادات ذاتي مفاد له بريد كړے٬ د تحريك انصاف د باني ټوله كورنۍ په دې بريد كښې ككړه ده، د تحريك انصاف د باني درې واړه خوېندې د كور كمانډر هاٶس نه بهر موجودې وي، قام ته وئيلي كېدل چې انقلاب راروان دے ٬ په سمدستي توګه خپل خپل ځائے ته رسئ، ده ووئېل د تحريك انصاف باني اړي ګړي او د تشدد سياست ته وده وركړې، دوي د هېواد دفاعي ادارو ته زيان رسولے ٬ هم تحريك انصاف په حكومت كښې ټي ټي پي بېرته راوستلے شو ، يو خوا دوي ترهګرو ته پناه وركولې او وئيل ئې چې دوي به د هېواد په سالميتا كښې كردار لوبوي او بلخوا ئي په جي اېچ كيو او كور كمانډر هاٶس بريد كړے، دوي نېشنل اېكشن پلان ختم كړے۔ وفاقي وزير ووئيل نواز شريف خپله كورودانې د مرګ په كټ پرېښې راغلے ؤ٬ نواز شريف تل د پاكستان خبره كړې٬ د بېنظير بھټو د شهادت نه وروستو آصف علي زرداري د پاکستان کھپے نعرہ وهلې ، كه بلخوا اوګورئ نو تحريك انصاف فارن فنډنګ اغستے ٬ د 9 مئي بريد كښې ككړ دي او ترهګر ئې بېرته راوستي، تحريك انصاف د سائفر ډرامه جوړه كړې، دوي خپلې سياسي ګټې لپاره په نړيواله كچه د هېواد د اړيكو خرابولو هڅه كړې، ده ووئېل په امريكا كښې زمونږ سفير وئيلي هېڅ تهرېټ موجود نه ٶ۔ وفاقي وزير ووئيل د دې وجوهاتو په سبب به وفاقي حكومت په تحريك انصاف بندېز لګولو لپاره كېس دائروي،آئين حکومت ته د هېواد مخالفو هلو ځلو كښې په ككړ ګوند د بندېز لګولو اختيار وركوي، وفاقي حکومت به په تحريک انصاف بندېز لګولو لپاره كېس دائروي، په تحريک انصاف بندېز لپاره جواز موجود دے ۔ ده ووئيل تحريک انصاف په غېر آئيني توګه اسمبلۍ ماتې كړې٬ آئي اېم اېف ته چيټۍ ليكل د تحريك انصاف د هېواد دښمنه تګلارې برخه وه، هېواد څخه به اوس څوك لوبو كولو ته نه پرېږدو٬ ده ووئېل كه هېواد مخ په وړاندې بوتلل وي نو په شرپسند عناصرو به بندېز لګول وي٬ تحرك انصاف د آئين خلاف ورزي كړې، د تحريک عدم اعتماد قانون لرلو باوجود دوي اسمبلۍ تحليل كړې، د وخت صدر عارف علوي، وزيراعظم عمران خان نيازي او دوهم سپيکر قاسم سوري په ضد د آرټيکل 6 ريفرنس د کابينې د منظورۍ نه وروستو سپريم كورټ ته لېږلې شي۔ وفاقي وزير ووئيل وطن پرېښودونكې محنتي خلق دي ٬ ھغوي د هېواد په ترسيلات كښې اضافه كوي٬ بهر هېوادونو كښې مخصوص لابيز د پاكستان د سالميت په ضد په سازشونو كښې مصروفه دي۔ ده ووئيل د هېواد په ضد په سازشونو كښې ملوث لابيز په ضد حكومت د كاروائۍ پرېكړه كړې ، د پاکستان نه بهر ممنوعه فنډنګ ترلاسه كولو سره د هېواد په ضد د كمپائن چلوٶنكو په ضد به سخته قانوني كاورائي كولې شي٬ مونږ د تحمل، بردباري او د دانشمندۍ مظاهره كولو سره وكتل خو دا دې زمونږ كمزوري ونه ګڼلې شي٬ ده ووئېل اوس دوي د نېب چيېرمېن ټارګټ كوي، فشار اچوي چې نېب دې د توشه خانه د كېسز نه پشا شي٬ دآئين او قانون په دائره كښې به د دوي په ضد كاروائي كولې شي۔ ده ووئيل د آئي اېم اېف ډيل ئې سبوتاژ كړے، هېواد ئې ديواليه كېدو ته رسولے او د سائفر ډرامه ئې كړې، دوي هېواد دښمنه قواو ته وده وركړې او خپلې سياسي ګتې لپاره ئې پاكستان ته زيان رسولے، د دوي په ضد به د قانون او آئين له مخې كاروائي كولې شي۔