معاون خصوصی اطلاعات فردوس عاشق اعوان دا جاپان ولوں چار جدید ترین ایمبولینساں ڈیونڑ دی تقریب نال خطاب

APP35-03 ISLAMABAD: May 03 - Special Assistant to Prime Minister on Information and Broadcasting, Dr. Firdous Ashiq Awan addressing a press conference at PID Media Centre. APP photo by Saeed-ul-Mulk

اسلام آباد ۔ 29 مئی (اے پی پی) وزیراعظم دی معاون خصوصی اطلاعات تے نشریات فردوس عاشق اعوان بدھ کوں جاپان ولوں چار جدید ترین ایمبولینساں ڈیونڑ دی تقریب نال خطاب کریندے ہوئیں آکھیے جوانسانیت دی خدمت سبھ توں وڈی عبادت ہے، ہلال احمر پاکستان ہر اوکھا ویلھا اچ متاثرہ لوکیں دی مدد کرتے اپنڑاں مقام بنڑایا، قدرتی آفات تے سانحات اچ ہلال احمر دے نال حکومت جاپان دا تعاون مثالی رہے۔ فردوس عاشق اعوان آکھیاجو جاپان ہمیشہ پاکستان دے رلے رہیا ہے، انسانی خدمت دے حوالے نال جاپان دا تعاون تعریف دے قابل ہے، آونڑ آلے ٹائم اچ ڈوہائیں ملکاں وچال تعاون کوں ودھایا ویسی ۔انہاں آکھیا جو پاکستان اچ تریمتیں کوں بااختیار بناونڑ سانگے جاپان حکومت دے پروگرام تعریف دے قابل ہن ۔ انہاں ہلال احمرکو ں جدید ترین ایمبولیناں ڈیونڑ دی تعریف کیتی۔۔ایںموقع تے جاپان دے سفیر کونینوری مستودا آکھیا جو ہلال احمر داتعاون جاری رکھیا ویسی، انسانیت دی خدمت سانگے ہلال احمرپاکستان کی خدمات تعریف دے قابل ہن۔ جاپانی سفیر آکھیا جو جاپان حکومت ہلا ل احمر پاکستان دے نال انسانی خدمت دا مشن جاری رکھیسی۔

مضمون کا ماخذ : بونانزا