اسلام آباد ۔ 04 جولائی (اے پی پی) قومی احتساب بیورو (نیب) دے چیئرمین جسٹس (ر) جاوید اقبال آکھیے جو نیب ہکو جہے احتساب تے یقین رکھیندے ،ایندے کیتے سارے برابر ہن بھاویں او برسراقتدار ہن یا کائناں ،نیب کہیں دے خلاف کوئی انتقامی کاروائی کائنی کریندا پیا ۔اے گال انہاں خمیس کوں کرپشن توں متاثرہ لوکاں کوں رقم واپس کرنڑ دی تقریب نال خطاب کریندے ہوئیں آکھی اے ۔اے موقع تے چیئرمین نیب متاثرین اچ چیک ونڈیے ۔انہاں آکھیا جو اے ڈسیندے ہوئیں میکوں خوشی تھیندی پئی اے جو ترائے مزید کیس اچ تقریباً20 کروڑ روپے توں ودھ دی رقم 4740 متاثرین اتے متاثرہ اداریں کوں واپس کیتی ویندی پئی اے ۔انہاں آکھیا جو نیب ملک کوں کرپشن اتے بد عنوان عناصر توں پاک کرنڑ کیتے ہک نکاتی ایجنڈے تے عمل کریندا پئے ،بد عنوان عناصر دی وجہ توں پاکستان ترقی یافتہ ملکاں دی صف اچ شامل کائنی ۔
مضمون کا ماخذ : میگا سینا پریمیو
