اسلام آباد ۔ 9 جولائی (اے پی پی) وزارت مذہبی امور سرکاری سکیم دے حج شیڈول دا اعلان کرڈتے جیں دے مطابق اسلام آباد اتے کراچی توں پہلی حج پروازاں 14 جولائی کوں حجاز مقدس روانہ تھیسن۔ وزارت مذہبی امور دے ترجمان دے مطابق عازمین حج اپنڑاں شیڈول ایس ایم ایس اتے ویب سائٹ تے ڈیکھ سگسن۔ ایندے علاوہ وزارت مذہبی امور ڈاک دے ذریعے وی عازمین کو ں انہاں دیاں پروازاں دے شیڈول بارے ڈسیسی ۔ سارے عازمین حج توں درخواست کیتی گی اے جو سارے حاجی کیمپاں اچ ونج تے ویکسین دا عمل پورا کرن تے سارے عازمین کوں ہدایت کیتی گی اے جو او اپنڑی پرواز توں ڈو ڈینھ پہلے حاجی کیمپ پجن۔ کراچی توں پی آئی اے دی پہلی حج پرواز 14 جولائی کوں سویل 2 وج تے 25 منٹ تے روانہ تھیسی ۔ اسلام آباد توں پی آئی اے دی پہلی پروازسویل 7 وجے روانہ تھیسی جڈاں جو 15 جولائی کوں ملتان توں پہلی پرواز 180 عازمین حج کوں گھن تے روانہ تھیسی ۔اینویں فیصل آباد توں جدہ سانگے پہلی پرواز 17 جولائی کوں روانہ تھیسی ۔ وزارت مذہبی اموردے ترجمان آکھیا جو پہلے ڈو ڈینھ حج پروازاں دے ذریعے 1500 عازمین کوں براہ راست مدینہ منورہ روانہ کیتا ویسی۔ حج دے بعد فلائٹ اپریشن 28 اگست توں شروع تھیسی جیں اچ سارے حاجیاں کوں فریضہ حج دی ادائیگی دے بعد وطن واپس پجاونڑ سانگے حج پروازاں ہک مہینے تئیں جاری رہسن ۔
وزارت مذہبی امور سرکاری سکیم دے حج شیڈول دا اعلان کرڈتا
مضمون کا ماخذ : ایڈونچر کی کتاب
متعلقہ مضامین
