اسلام آباد ۔ 31 دسمبر (اے پی پی) پاکستان اچ ہوا نال بجلی بنڑاونڑ دی استعداد 50 ہزار میگاواٹ اے۔ جیرھی جوگرمیاں اچ بجلی دی ودھ توں ودھ طلب توں وی ڈوگنا اے ۔ 2017ءاچ ملک اچ ہوا نال 750 میگا واٹ بجلی بنڑائی ویندی پئی ہئی ہنڑ2000 میگا واٹ تئیں ودھ گی اے ۔ متبادل ذرائع نال بجلی بنڑاونڑ دے شعبے دے ماہرین آکھیے جو پاکستان اچ متبادل ذرائع نال بجلی بنڑاونڑ دے بہوں سارے موقع دستیاب ہن جیں اچ سجھ ‘ہوا ‘ پانڑیں تے کوڑے نال بجلی بنڑاونڑ دے ذرائع شامل ہن۔ انہاں آکھیے جو تیل تے گیس نال بجلی دی پیداواری لاگت ودھ ہوندی اے تے ڈوجھے پاسے پاکستان پٹرولیم دی مصنوعات دی ملکی طلب پوری کرنڑ کیتے درآمدات تے انحصار کریندے ایں کیتے درآمدات ودھنڑ نال زرمبادلہ دے مسئلے تھیندے۔ انہاں آکھیے جو پاکستان دے مختلف علاقیں اچ ہوا نال 50ہزار میگاواٹ سستی تے شفاف بجلی بنڑاونڑ دی استعداد موجود اے جیں دی کئی عالمی ادارے دی تصدیق کیتی اے ۔ ماہرین آکھیے جو ہوا نال بجلی بنڑاونڑ دے کارخانے 32 فیصد دی استعداد دے مطابق پیداوار حاصل کریندے پن جڈاں جو نویں لاتے ونجنڑ آلے ونڈ پاور پلانٹس اچ جدید ٹیکنالوجی دے استعمال نال پیداواری صلاحیت کوں 39 فیصد تئیں ودھایا گے ۔
پاکستان اچ ہوا نال بجلی بنڑاونڑ دی استعداد 50 ہزار میگاواٹ
مضمون کا ماخذ : raspadinha caixa
متعلقہ مضامین
