اسلام آباد 16مارچ (اے پي پي) وفاقي كابينې د 7.8 اربه روپو رمضان پيكج منظوري وركړې ده،په يوټيليټي اسټورز به په 19 څيزونو سبسډي وركولې شي دغسې د سائنس او ټيكنالوجي وفاقي وزير چوهدري فواد حسېن او د صنعت او پيداوار وفاقي وزير حماد اظهر ووئيل د وسلي لائنسنګ په اړه به په يو څو اوونيو كښې پاليسي رامخي ته شي۔ د قانون خلاف وزري كوونكي آئل ماركيټنګ كمپنيو په ضد به كاروائي كيږي۔پي ډي اېم د سياسي يتيمانو ډله ده۔ د نهي په ورځ د وزيراعظم عمران په مشرۍ كښې د وفاقي كابينې غونډه وشوه۔ د غونډي نه پس ميډيا ته بريفنګ په مهال د سائنس او ټيكنالوجي وفاقي وزير ووئيل وفاقي كابينې اولس له آسانيو وركولو له د 7.8 اربه روپو رمضان پيكج منظوري وركړې ٬ د دې مقصد غريبانان د ګرانۍ څخه ساتل دي۔ده ووئيل وزيراعظم هېواد كښې ګراني كمولو ته پام لرنه كوي۔مونږ ته خراب معيشت په ورثه كښې ترلاسه شوے، د دې باوجود وزيراعظم هڅي كړي چې د ګرانۍ بوجھ په اولس رانشي۔ده ووئيل ټيلټي سټور كارپوريشن به د روان كال تر آخر د خسارې څخه خلاص شي۔فواد چوهدري ووئيل د حكومت په وخت اقدامات سره د كورونا وائرس څخه په پاكستان كښې دومره زيان نه دے شوے څومره چې په نورو هېوادونو كښې شوے۔په دې لړ كښې زمونږ پاليسۍ كاميابې وي۔ ده ووئيل وزيراعظم په سپځلو ټاكنو باور لري د كابينې په غونډه كښې د ټاكنو په شفافيت او په احتساب خبره شوې ۔ده ووئيل آئل ماركيټنګ كمپنيز په اړه پريكړه شوي چې د قانون خلاف وزري كوونكو په ضد به كاروائي كولې شي۔ده ووئيل د عون عباس د بيت المال مشر په حېث استعفيٰ منظور كړې شوې، دې نه ځانله وزيراعظم ټول فيډرل سيكرټريز ته په مياشت كښې يو ځل د بلوچستان دورې سپارښتنه كړې ۔فواد چوهدري ووئيل د وسلي لائسنس په اړه يوې پاليسۍ ته اړتيا ده، د وسلي لائنسنګ په اړه به څو اوونيو كښې پاليسي رامخي ته شي۔ د پي ډي ايم په اړه وفاقي وزير ووئيل پي ډي اېم د سياسي يتيمانو ډله ده۔محمود اچكزئي, آفتاب شير پاو په شان وګړي وائي چې استعفاګاني وركوو، هغه ټول كسان كوم چې په سسټم كښې څه برخه نه لري هغوي د استعفاګانو خبره كوي، هيله لرو چې پي پي او ن ليګ به داسي پريكړه ونه كړي، او كه هغوي پريكړه هم وكړه نو بيا به كتلے شي۔فواد چوهدري ووئيل سږ كال څو لكهه د ګېس نوي كنكشنز به وركولې شي دغسې راروان كال به 6 لكهه نوې كنكشني وركولې شي۔ده ووئيل په دې لړ كښې اصلاحات كوو او دې سره به زياتره آبادۍ ته ګېس ترلاسه شي،دې مقصد لپاره نوي نظام وضع كوو۔ ده ووئيل كابينې په غونډه كښې د اداره جاتي اصلاحات كمېټۍ او اي سي او د پريكړو هم توثيق شوے ۔ دې نه ځانله په خام مال درآمد د استثنيٰ وركولو منظوري وركړې شوې، دې سره به مينو فيكچرنګ زيات شي۔په دې موقع د صنعت او پيداوار وفاقي وزير حماد اظهر ووئيل 7.8 اربه روپۍ رمضان پيكج منظوري وركړے شوے،روژه مباركه كښې به په يوټيليټي اسټورز په 19 څيزونو سبسډي وركولې شي،معيشت په سم پلو روان دے ٬ د ډالر بيعه لاندي راروانه ده۔ده ووئيل وزيراعظم په زړه پوري هڅي كوي چې د ګرانۍ بوجھ په اولس رانه شي او 7.8 اربه روپۍ پيكج د دې هڅو برخه ده۔ده ووئيل وزيراعظم تر ټولو زيات وخت د ګرانۍ په كمولو خرڅ كوي٬ مونږ ته خراب معيشت ترلاسه شوے ؤ د ټولو هڅو باوجود د قرض د بوجھ مخنيوے كول آسان نه ؤ۔ده ووئيل يوټيلټي اسټورز يوه تباه شوې اداره وه خو د روان كال تر آخر به د خسارې څخه رابهر شي۔ده ووئيل زمونږ معيشت هم مستحكميږي او زيان هم كميږي ٬ د دې لوي سبب دا وؤ چې مونږ په تندۍ سره په وخت اقدامات كړي وؤ او د كيسز شرح كميږي، كله چې وړومبۍ چپه راغله نو مونږ چې كومې پاليسۍ جوړي كړې وي هغه كاميابې وي او په هغې عمل كولو سره مونږ په دې قابو موندلے۔حماد اظهر په دې موقع ووئيل په يوټيليټي اسټورز به په د چينو په يو كلو 40 روپۍ ، د تيل په يو ليټر 20 روپۍ ، د كھجورو په يو كلو به 20 روپۍ او د وريژو په يو كلو به 10 روپۍ سبسډي وركولې شي۔
وفاقي كابينې د 7.8 اربه روپو رمضان پيكج منظوري وركړه، په يوټيليټي اسټورز به په 19 څيزونو سبسډي وركولې شي، د وفاقي وزيرانو چوهدري فواد حسېن او حماد اظهر د وفاقي كابينې غونډي نه پس ميډيا ته بريفنګ
مضمون کا ماخذ : لوٹیریا سانتا کیٹرینا
متعلقہ مضامین
