اسلام آباد ۔ 16 مئی (اے پی پی) وزیر مملکت برائے سیفران شہریار خان آفریدی نال یو این ایچ سی آر دے وفد خمیس کوں وزارت سیفران اچ ملاقات کیتی۔ یو این ایچ سی آر دی کنٹری ڈائریکٹر رویندرینی مینیکدیویلا وفد دی قیادت کر یندی پئی ہن ۔ ایں موقع تے گالھ مہاڑ کریندے ہوئیں شہریار آفریدی یو این ایچ سی آر کوں افغان مہاجراں دی باعزت وطن واپسی دے عمل کو ں تکھے کرنڑ تے زور ڈتا۔ وزیر مملکت آکھیاجو حکومت پاکستان افغان مہاجراں دی رضاکارانہ وطن واپسی دے پروگرام تے عمل کریندی پئی ہے، پاکستان سمجھدے جو افغان مہاجراں دی وطن واپسی ہی انہاں دے مسئلہ دا حل ہے۔ شہریار آفریدی آکھیا جو 2018ءاچ صرف 1528 افغان مہاجر وطن واپس گئے جڈاں جو حالیہ سال 877 مہاجر وطن واپس گئے ہن۔انہاں آکھیا جو حکومت پاکستان وزیراعظم عمران خان دے حکم مطابق 16 لکھ افغان مہاجراں کوں بینک اکاو ¿نٹس کھولنڑ دی سہولت ڈیونڑ سانگے سارے انتظام مکمل کیتے گن۔ وزیر مملکت آکھیا جوافغان مہاجراں دی ڈوجھی تے تریجھی نسل پاکستان اچ ہے اتے اکثریت نینگراں تے مشتمل ہے، حکومت پاکستان انہاں نینگراں کوں تعلیم اتے روزگار دی سہولتاں ڈیونڑ سانگے فنی تربیت دے مراکز بنڑائے ہن، ہنڑ تئیں 30 ملین روپے دی لاگت نال 755 نینگراں کوں جدید فنون دی تعلیم ڈتی جا چکی ہے ۔ وزیر مملکت آکھیا جوعالمی برادری کوں ایں سلسلہ اچ اپنڑیاں ذمہ داریاں پوریاں کرنڑ دی ضرورت ہے۔
وزیر مملکت سیفران شہریار خان آفریدی نال یو این ایچ سی آر دے وفد دی ملاقات
مضمون کا ماخذ : ٹکٹ خریدنے کے حوالے سے الفاظ
متعلقہ مضامین
