اسلام آباد ۔29 مئی (اے پی پی) وزیراعظم عمران خان سعودی عرب اچ31 مئی 2019ءکوں منعقد تھیونڑ آلے14ویں اوآئی سی سربراہ اجلاس اچ شرکت کریسن۔ بدھ کوں دفتر خارجہ ولوں جاری بیان دے مطابق سربراہ اجلاس اوآئی سی رکن ملکاں کوں اپنڑی گال بات تے اسلامی ملکاں دے مفاد تے مبنی سیاسی،معاشی تے سلامتی متعلق امور تے غور دا قیمتی موقع ڈیونڑ دا ہک اہم پلیٹ فارم اے ۔ وزیراعظم بئے معاملات دے علاوہ امہ دے اتحاد تے یکجہتی دے ناگزیر تقاضے اتے جموں وکشمیردے جھیڑے، اسلام مخالف ودھدے رجحانات، تعلیم اتے سائنسی ترقی جیہوجے امور کیتے حمایت تے توجہ کریسن۔ 2019ءاوآئی سی دے قیام دی 50ویں سالگرہ دا سال اے ۔ 1969ءاچ قائم تھیونڑ آلی او آئی سی اقوام متحدہ دے بعد دنیا دی ڈوجھی ساریں توں ودی بین الاقوامی تنظیم اے جیں اچ ہک چوتھائی توں ودھ لوک شامل ہن جیں دا مجموعی جی ڈی پی 19.4 ٹریلین اے۔ بانی ارکان اچوں ہک دی حیثیت نال پاکستان مسلماناں کوں درپیش مسلے اجاگر کرنڑ تے تنظیم کوں فعال کرنڑ اچ کلیدی کردار ادا کیتے۔ اوآئی سی اپنڑیاں قرارداداں، اعلامیے تے مراسلیں دے ذریعے جموں وکشمیر تے پاکستان دے موقف دی ہمیشہ حمایت کیتی اے۔ 14ویں اوآئی سی سربراہ اجلاس توں پہلے 29 مئی 2019ءکوں اوآئی سی وزراءخارجہ کونسل دا اجلاس تھیندا پے ۔ وزیر خارجہ مخدوم شاہ محمود قریشی اوآئی سی وزراءخارجہ کونسل اچ شرکت کیتے سعودی عرب پج گن جتھاں او کشمیر تے اوآئی سی رابطہ گروپ دے اجلاس نال خطاب اتے اوآئی سی ملکاں دے اپنڑے ہم منصباں نال ملاقاتاں کریسن۔
وزیراعظم عمران خان سعودی عرب اچ منعقد تھیونڑ آلے 14ویں اوآئی سی سربراہ اجلاس اچ شرکت کریسن
مضمون کا ماخذ : ریل رش
متعلقہ مضامین
