اسلام آباد ۔ 26 اپریل (اے پی پی) وزیراعظم عمران خان علاقائی رابطیاں دے ودھارے،غربت مکاونڑ، مالیاتی انتظام ،عبوری منصوبیاں ، ڈی اے ایس یو، بنیادی ڈھانچہ دے منصوبیاں اتے کاروبارکوں سوکھا کرنڑ کیتے عالمی بینک دے کرداردی تعریف کیتی اے۔اے گالھ انہاں بیجنگ اچ ڈوجھی بیلٹ اینڈ روڈ فورم دے موقع تے عالمی بینک دی چیف ایگزیکٹوآفیسرکرسٹیناجیورجیا نال ملاقات اچ آکھی۔جتھاں انہاںدے نال وزیر خارجہ شاہ محمود قریشی ، مشیر خزانہ ڈاکٹر عبدالحفیظ شیخ اتے مشیر تجارت عبدالرزاق داﺅدوی موجود ہن۔وزیراعظم عالمی بینک دی سی ای او کوںملک دی اقتصادی اتے مالی حالت چنگی کرنڑ کیتے حکومت دے اقدامات بارے ڈسایا۔عالمی بینک دی سی ای او پاکستان نال ڈسبرسمنٹ پروگرام لینڈنگ اتے غیرملکی فنڈز کیتے ضمانت ڈیونڑ دے شعبہ جات اچ شراکت داری ودھاونڑدا عزم دوہرایا۔
مضمون کا ماخذ : لاٹری کے انعامات
