اسلام آباد ۔ 24 مئی (اے پی پی) وفاقی وزیر قانون و انصاف بیرسٹر فروغ نسیم آکھیے جو پاکستان جاپان نال اپنڑے تعلقات کوں بہوں اہمیت ڈیندے تے خطے اچ ایندا اہم اتحادی دا کردار ادا کر سگدے،خطے اچ امن گال مہاڑ تے مسئلہ کشمیر دے حل نال ہی ممکن بنڑایا ونج سگدے۔اے گال انہاں جمعے کوں وزارت قانون و انصاف اچ جاپانی سفیر کنی نوری متسودہ نال ملاقات دے دوران آکھی اے ۔ ملاقات اچ سانجھی دلچسپی دے امور تے گال مہاڑ تھئی ۔ملاقات اچ وزیر قانون آکھیا پاکستانی عوام جاپان تے جاپانیاں نال اپنڑے تعلقات کوں قدر دی نگاہ نال ڈیکھدی اے ،ڈوہیں ملک ثقافتی طور تے ہک ڈوجھے دے بہوں نیڑے ہن ۔ایں موقع تے جاپانی سفیر کنی نوری متسودہ آکھیا جو جاپانی لیبر مارکیٹ کوں پاکستانیاں کیتے کھولنڑ چاہندوں ،اساں مستقبل اچ پاکستان نال ماہی گیری، تعلیم اتے تکنیکی ٹریننگ دے شعبیں اچ تعاون کرنڑ چاہندوں۔انہاں آکھیا جاپان پاکستان اتے بھارت وچال بہتر تعلقات کیتے کردار ادا کرسگدے ۔
وفاقی وزیر قانون و انصاف بیرسٹر فروغ نسیم نال جاپان دے سفیر کنی نوری متسودہ دی ملاقات
مضمون کا ماخذ : quina resultados anteriores
متعلقہ مضامین
