اسلام آباد ۔ 13مئی(اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو سابق حکمراناں دی بدانتظامی تے بدعنوانی پاروں ملک معاشی بحران دا شکار تھئے،پاکستان تحریک انصاف دی حکومت اپنڑے اصلاھاتی پروگرام دے ذریعے معاشی چیلنجز تے قابو پا گھنسی تے پاکستان ترقی تے خوشھالی دے منزل دے پاسے گامزن تھیسی، احساس پروگرام کوں مزید وسعت ڈتی ویسی ،ایں ضمن اچ موجودہ بجٹ 100 ارب روپے توں ودھا تے 180 ارب روپے کیتا ویسی۔ سنوار کوں اپنڑے ہک بیان اچ ڈاکٹر فردوس عاشق اعوان آکھیے جو وزیراعظم عمران خان اپنڑی سیاست کوں کائناں ، ہمیشہ پاکستان دے مفاد کوں مقدم رکھیے ۔ ملکی مفاد اچ جتنے اوکھے فیصلے عمران خان کیتن کوئی لیڈر سوچ وی کائناں سگدا ہئی۔انہاں آکھیا جو حکومت ملک دے اقتصادی حالات کوں بہتر بنڑاونڑ کیتے ملک تے عوام دے مفاعد اچ آئی ایم ایف نال معاہدہ کیتے ۔ وزیراعظم عمران خان دے وژن دے تحت غریب اتے کمزور طبقات دے حقوق دا تحفظ یقینی بنڑایا ویسی ۔احساس پروگرام کوں مزید وسعت ڈتی ویسی،ایں ضمن اچ موجودہ بجٹ 100 ارب روپے توں ودھاتے 180 ارب روپے کیتا ویسی ۔ معاون خصوصی آکھیے جو غریب عمران خان دے دل دے نیڑے ہن ،انہاں تے مہنگائی دا بوجھ کائناں پوونڑ ڈتا ویسی۔ اصلاحات دے پروگرام تے کم کرتے اقتصادی حالات کوں بہتر بنڑایا ویسی تاں جو اگی تے آئی ایم ایف ڈے ونجنڑ دی ضرورت نہ پووے۔
غریب عمران خان دے دل اچ اے ، انہاں تے مہنگائی دا بوجھ کائناں پوونڑ ڈیسوں، سابق حکمراناں دی بدانتظامی تے بدعنوانی پاروں ملک معاشی بحران دا شکار تھئے، ڈاکٹر فردوس عاشق اعوان
مضمون کا ماخذ : جیک اور بین اسٹالک
متعلقہ مضامین
