اسلام آباد ۔ 6 نومبر (اے پی پی) وزیراعظم عمران خان آکھیے جو پچھلی کہیں وی حکومت ماحولیاتی تبدیلیاں تے چنتا نئیں کیتا، ساڈی پہلی حکومت اے جین اے مسلہ سمجھیے اتے ماحولیاتی تبدیلیاں دے اثرات روکنر کیتے عملی کم کریندی پئی اے کیوں جو ماحولیاتی تبدیلی سانگے کم ساڈی حکومت دی اگونہی ترجیھ اے۔اے گالھ اسلام آباد اچ ترائے ڈیہاڑی ستویں ایشیائی علاقائی کنزرویشن کانفرنس دی افتتاحی تقریب نال خطاب اچ آکھی ۔ انہاں آکھیا جو سارے مذاہب انسانیت دی فلاح و بہبودسکھیندن، پاکستان اچے لمبے ا پہاڑ،وڈے صحرا اتے گھاٹے جنگاں دا ملک اے جتھاں ہر موسم موجود اے ، ساکوں لوکاں دا مستقبل ڈیکھ تے فیصلے کرڑن تاں جو پاکستان دے سوہنڑپ اتے چنگے قدرتی ماحول کوں ودھا تے ایندے توں چنگے فیدے چاتے ونج سگن۔انہاںا ٓکھیا جو ساڈی حکومت موسمیاتی تبدیلی دا سوچیا وی نئیں ایندے تے خیبر پختونخوا اچ بلین ٹری سونامی منصوبے اچ مقامی آبادی کوں رلا تے عمل وی کیتے ،ایں عوامی منصوبے نال سبزہ ودھاونڑ، درختاں دی چھاہ، پیداوارڈیونڑاچ مدد ملی اے جڈاں جو ٹمبر مافیا دے خلاف وی اقدامات کیتے گین، ایں سانگے ٹمبر مافیا دے خلاف کارروائی اچ ڈاہ فارسٹ گارڈ وی جاناں دا قربانی ڈتی اے،ملک اچ ڈاہ ارب درخت لاونڑ دا منصوبہ نینگراں کوں کٹھے رلا تے کامیاب کیتا ونج سگدے، بالاں کوں ماحولیاتی آلودگی توں آگاہی ڈے تے ایکوں نصاب دا حصہ بنڑایا ویندا پئے تاں جو ماحولیات داتحفط کرتے آونڑ آلی نسل کوں بچایا ونج سگے۔دریائی پانڑی کوں شفاف کرنڑ،ں فضائی آلودگی توں نجات،دھویں اتے مٹی توں بچاونڑ کیتے اقدامات درخت کٹنڑ توں بچاونڑ اتے نوین درخت لاونڑ نال ممکن تھی سگدے، اج گلوبل وارمن گی دی وارننگ جاری تھی چکی اے، شہری آبادی کوں آلودگی توں بچاونڑ کتیے ہنگامی اقدامات دی لوڑھ اے۔ انہان امید کیتی جو اے کانفرنس ماحولیاتی آلودگی روکنر کیتے اہم ثابت تھیسی۔
ساڈی پہلی حکومت اے جیئں ماحولیاتی تبدیلیاں دے اثرات روکنڑ کیتے کم کیتن،ماحولیاتی تبدیلی کیتے اقدامات اگونہی ترجیح ہین،وزیراعظم عمران خان داایشیائی علاقائی کنزرویشن کانفرنس نال خطاب
مضمون کا ماخذ : پاور بال جیتنے کے طریقے
متعلقہ مضامین
