اسلام آباد ۔ 5 اگست (اے پی پی) سپیکر قومی اسمبلی سنوار کوں چھوٹا لہور،صوابی اچ ہک پروقار ٹوبیکو کسان کنونشن دی تقریب اچ شرکت کیتی ۔ایں موقع تے خطاب کریندے ہوئیں انہاں آکھیا جو پاکستان دے باشعورعوام مذہب اتے قومیت تے کجھ سیاستداناں دے کارڈزکوں مکمل طورمستردکرتے پاکستان کوں ترقی دی راہ گھن آونڑ آلیاں دی مدد کیتی ہے۔انہاں آکھیا جومذہبی کارڈاستعمال کرنڑ آلیاں کوں ایہ گالھ یاد رکھنڑ چاہیدی ہے جو محبت رسول اساڈے ایمان دا سرمایہ اتے مومن دی سنجھانڑ ہے۔انہاں آکھیا جو عوام دی فلاح تے بہبود،ملکی ترقی اتے میرٹ برقراررکھنڑ دی وجہ نال پاکستان دی تریخ اچ جیرھی مثالی پذیرائی پاکستان تحریک انصاف اتے موجودہ حکومت کوںملی ہے ایں توں پہلے کہیں سیاسی جماعت کوں نی ملی ۔ایں موقع تے مشیر وزیراعلی تے ممبرقومی اسمبلی کریم خان اتے بئے مقامی سیاستدان وی موجود ہن۔ انہاں آکھیا جو40سال حکومتاں اچ رہونڑ آلیاں اداریاں دی بنیاداں کھوکھلی کر ڈتن،پی آئی اے،واپڈا،سٹیل مل سمیت بئے ادارے معیشت کیتے سفید ہاتھی بنڑگئے ہن،پاکستان تحریک انصاف نہ صرف ملکی ترقی اتے عوامی خوشحالی بلکہ موجودہ بحراناں تے قابوکرنڑ سانگے اقدامات وی کریندی پی ہے۔سپیکرقومی اسمبلی آکھیا جوصوابی سانگے سوئی گیس دے22کلومیٹرپائپ لائن دی منظورتھی گی ہے جڈاں جو عوامی مطالبے تے ٹیوب ویل اتے سڑکاں بنڑاونڑ کیتے ہنگامی بنیادیںتے اقدامات کیتے ویندے پن۔انہاں آکھیا جو اساں دنیادے نال برابری دی بنیادتے تعلقات کوں ہک نواںرنگ ڈتے،اساں افغانستان دے نال چنگے تعلقات چاہندوں۔انہاں آکھیا جوست توں اٹھ مہیناں اچ ملکی مشکلاں گھٹ تھی ویسن جیندے بعد عوام کوںتبدیلی نظرآونڑشروع تھی ویسی۔
پاکستان دے باشعورعوام مذہب اتے قومیت تے کجھ سیاستداناں دے کارڈزکوں مکمل طورمستردکرڈتے،سپیکرقومی اسمبلی اسدقیصر
مضمون کا ماخذ : لاٹری جیتنے کے نمبر
متعلقہ مضامین
