خانیوال ۔ 20 اگست (اے پی پی) ریلوے ہیڈکوارٹر10اگست کوں ملتان کراچی وچال چلائی ونجنڑ آلی سندھ ایکسپریس دی 22اگست توں کیمپوٹرئزاڈریزرویشن شروع کرنڑ کیتے نوٹفکیشن جاری کرڈتے ۔ایندے توں پہلے ملتان توں روہڑی تئیں اوپن ریزرویشن تھیندی پئی ہئی جڈاں جو روہڑی توں اگی تے کیمپوٹرئزاڈاتے ای ٹکٹنگ دے ذریعے ریزرویشن کیتی ویندی پئی ہئی ۔ریلوے ذرائع دے مطابق ریلوے ہیڈ کوارٹر دے مرکزی آئی ٹی سسٹم اچ ملتان تے روہڑی وچال مختلف سٹیشناں دا کوٹہ فیڈ کائناں کیتا گیا ہئی جیں پاروں ریل گاڈی دی کمپیوٹرائزڈ ریزرویشن کائناں تھیندی پئی ہئی گزریل ڈینھ کوٹہ فیڈ کرتے 22اگست توں کمپیوٹرائزڈ ریزرویشن شروع کرنڑ کیتے نوٹیفکیشن جاری کرڈتا گے ۔
مضمون کا ماخذ : ٹکی انماد
