اطلاعات تے نشریات سانگے وزیراعظم دی معاون خصوصی ڈاکٹر فردوس عاشق اعوان دا قومی میڈیاکانفرنس2019 توں خطاب

اسلام آباد ۔ 10 اکتوبر (اے پی پی) اطلاعات تے نشریات سانگے وزیراعظم دی معاون خصوصی ڈاکٹر فردوس عاشق اعوان آکھیے جووزیراعظم عمران خان دی قیادت اچ بدلے ہوئے پاکستان اچ کوئی مقدس گاں کائنی ،قنون بالادست اتے لوک اداریاں دے تابع ہن، کرپشن، قومی سلامتی کوں داغدار کرنڑ یا ملک دے امیج کو ںخراب کرنڑ آلیاں دے خلاف زیرو ٹالرنس ہے،سیاست اتے حکومت بعد اچ ہے”پاکستان فرسٹ” پہلی ترجیح ہے،سابقہ اداریاں اچ جانڑ بوجھ تے قنون اتے اداریاں کوں افراد دے تابع رکھیا گیا ،اداریاں کوں یرغمال بنڑا تے انھاں کوں کمزور کر تے گھر دی لونڈی(نوکر) بنڑایا گیا ،کہیں وی مہذب جمہوری ملک اچ ایجھی مثال نی ملدی ،وزیراعظم عمران خان اقوام متحدہ دی جنرل اسمبلی اچ کشمیریاں دا وکیل بنڑ تے بھارتی مکروہ چہرہ بے نقاب کیتا ، کشمیر بنڑسی پاکستان دے نعرے کوں حقیقت اچ بدلنڑ ،مقبوضہ کشمیر اچ بھارتی ظلم ،بربریت ، ناانصافیاں ، زیادیتاں کوں مکاونڑ ،اقوام متحدہ دی قرارداواں ،قوانین اتے ضابطیاں تے عمل درآمد کراونڑ سانگے سارا پاکستان کشمیر دی آواز بنڑ تے چٹان آلی کار ڈٹیا راہسی ،حکومت میڈیا کوں ریاست دا چوتھا ستون من گھدے ،اساڈا مذہب، ثقافت، تہذیب اتے تمدن اساڈی طاقت ہے،اساکوں اپنڑیں سماجی، ثقافتی اقدار کوں سامنڑے رکھ تے میڈیا سافٹ پاور کوں بطور طاقت استعمال کرنڑپوسی۔خمیس کوں ڈو ڈینھاں دی قومی میڈیاکانفرنس2019 توں خطاب کریندے ہوئیں اطلاعات تے نشریات سانگے وزیراعظم دی معاون خصوصی ڈاکٹر فردوس عاشق اعوان آکھیا جووزیراعظم عمران خان دی قیادت اچ بدلے ہوئے پاکستان اچ کوئی مقدس گاں کائنی ۔انہاں آکھیا جو اساڈی حکومت اچ قنون بالادست(اچا ) اتے لوک اداریاں دے تابع ہن۔انہاں آکھیا جو کرپشن، قومی سلامتی کوں داغدار کرنڑ یا ملک دے امیج کو ں خراب کرنڑ آلیاں دے خلاف زیرو ٹالرنس ہے ۔سیاست اتے حکومت بعد اچ ہے”پاکستان فرسٹ” پہلی ترجیح ہے۔فردوس عاشق اعوان آکھیا جوپچھلی حکومتاںاداریاں اچ جانڑ بوجھ تے قنون اتے اداریاں کوںافراد دے تابع رکھیا گیا ،اداریاں کوں یرغمال بنڑا تے انھاں کوں کمزور کر تے گھر دی لونڈی(نوکر) بنڑایا گیا ۔انہاں آکھیا جوکہیں وی مہذب جمہوری ملک اچ ایجھی مثال نی ملدی ۔معاون خصوصی آکھیا جووزیراعظم عمران خان اقوام متحدہ دی جنرل اسمبلی اچ کشمیریاں دا وکیل بنڑ تے بھارتی مکروہ چہرہ بے نقاب کیتا ، کشمیر بنڑسی پاکستان دے نعرے کوں حقیقت اچ بدلنڑ ،مقبوضہ کشمیر اچ بھارتی ظلم ،بربریت ، ناانصافیاں ، زیادیتاں کوں مکاونڑ ،اقوام متحدہ دی قرارداواں ،قوانین اتے ضابطیاں تے عمل درآمد کراونڑ سانگے سارا پاکستان کشمیر دی آواز بنڑ تے چٹان آلی کار ڈٹیا راہسی ۔انہاں آکھیا جوحکومت میڈیا کوں ریاست دا چوتھا ستون من گھدے ،اساڈا مذہب، ثقافت، تہذیب اتے تمدن اساڈی طاقت ہے،اساکوں اپنڑیں سماجی، ثقافتی اقدار کوں سامنڑے رکھ تے میڈیا سافٹ پاور کوں بطور طاقت استعمال کرنڑپوسی۔